ഉപ്പയും ഉമ്മയും

 *ഒരു മകൻ ഒരിക്കൽ അവൻ്റെ ഉമ്മയോട് ചോദിച്ചു.*

*മക്കളായ ഞങ്ങളെ, വളർത്താൻ ബാപ്പയാണോ ഉമ്മയാണോ കൂടുതൽ ത്യാഗം ചെയ്തത്...??*

*ആ ഉമ്മ തൻ്റെ മകനോട് പറഞ്ഞു- "ഈ ചോദ്യം നീ എന്നോട് ചോദിക്കാൻ പാടില്ലായിരുന്നു*

*കാരണ൦ മക്കളായ നിങ്ങളെ വളർത്താൻ നിങ്ങളുടെ ബാപ്പയുടെ ത്യാഗം ഒന്നും ഈ ഉമ്മയ്ക്ക് ഇല്ല.* "

ഒരു കാലത്ത് കാൽ നടയായി കൊയിലാണ്ടി മുതൽ തിക്കോടി വരെ ബേക്കറി സാധനം തല ചുമടായി കൊണ്ട് വന്ന് വീടുകൾ തോറും വിൽപ്പന നടത്തിയാണ് നമുക്കുള്ള ആഹാരത്തിന് വക ബാപ്പ കണ്ടെത്തിയത് . പിന്നീട് ഹോട്ടൽ തൊഴിലാളിയും ഓട്ടോ തൊഴിലാളിയും തേങ്ങ തൊഴിലാളിയും പ്രാവാസിയും ആയി എത്ര എത്ര വേഷങ്ങൾ ബാപ്പ നമുക്ക് വേണ്ടി അണഞ്ഞു .

*പിന്നീടങ്ങോട്ട് എനിക്ക് വേണ്ടി നിങ്ങൾക്ക് വേണ്ടി നമുക്ക് ഒരു കുറവും ഉണ്ടാകാതിരിക്കാൻ ഓടുകയായിരുന്നു.*

*നമുക്ക് ഭക്ഷണത്തിന് വസ്ത്രത്തിന് മരുന്നിന് നിങ്ങളുടെ വിദ്യാഭ്യാസത്തിന് അങ്ങനെ ആവശ്യങ്ങൾ പലതായിരുന്നു. ബാപ്പാൻറെ വിയർപ്പാണ് ഞാനും നിങ്ങളും ഈ കുടുംബവും.*

,

*ആ മകൻ ഇതേ ചോദ്യം അവൻറെ ബാപ്പാനോടും ചോദിച്ചു....*

*ബാപ്പയുടെ മറുപടി... മറ്റൊന്നായിരുന്നു ....*

* "നിങ്ങളുടെ ഉമ്മയുടെ ത്യാഗം അതെത്ര എന്ന് പോലും എനിക്കറിയില്ല. നിങ്ങളെ വളർത്താൻ നിങ്ങളെ വലുതാക്കാൻ അവൾ സഹിച്ചതൊന്നും ഞാൻ അറിഞ്ഞിട്ടില്ല അറിയിച്ചിട്ടുമില്ല. എൻ്റെ വരവുകൾ അറിഞ്ഞു അവൾ ചിലവാക്കി. ആവശ്യം ഉള്ളതൊന്നും അവൾ എന്നോട് ചോദിച്ചിട്ടില്ല അത്യാവശ്യം ഉള്ളത് അല്ലാതെ....

... അങ്ങനെ അവൾ എന്നോട് ചേർന്ന് നിങ്ങൾക്ക് വേണ്ടി പൊരുതുകയായിരുന്നു ... അവളെക്കാൾ ത്യാഗം ഒന്നും എനിക്കില്ല...*

*ആ മകൻ അവൻ്റെ സഹോദരങ്ങളോട് പറഞ്ഞു ഈ "ലോകത്തിലെ ഏറ്റവും ഭാഗ്യമുള്ള മക്കൾ നമ്മൾ ആണ് ...*

*ബാപ്പന്റെ ത്യാഗം മനസ്സിലാക്കുന്ന ഉമ്മയും ,ഉമ്മയുടെ ത്യാഗം മനസ്സിലാക്കുന്ന ബാപ്പയും അതാണ് നമ്മുടെ കുടുംബങ്ങളിൽ വേണ്ടത്....

മാതാപിതാക്കൾ നമ്മുടെ ജീവിതത്തിലെ മുത്ത് രത്നങ്ങൾ ആവട്ടെ ....നിങ്ങളുടെ മാതാവിൻറെ കാൽ ചുവട്ടിൽ ആവട്ടെ നിങ്ങളുടെ സ്വർഗം .....*