ഇതുള്ളപ്പോ.... അതെന്തിന്...?

രചയിതാവ് ഞാനല്ല പക്ഷെ വരികള്‍ നമ്മോടു പലതും പറയുന്നു.....പലതും...കാലത്തിന്‍റെ് ഒഴുക്കില് നാം മുന്നോട്ടു പോവുമ്പോള് ഇത്തിരി ചിന്തകള്.....‍‍‍
***********

*ഇതുള്ളപ്പോ.... അതെന്തിന്...?*

*എന്തുകൊണ്ടെന്തുകൊണ്ടീ വിധം വ്യാധികൾ*
*ഒഴിയാതെയെത്തുന്നു കേരള മക്കളിൽ.*

*നിപ്പയും ഡെങ്കിയും ചിക്കൻ ഗുനിയയും*
*ഇന്നലെ വന്ന വിരുന്നുകാരാണിവർ.*

*എലിയും കോഴിയും കൊതുകും വവ്വാലും*
*ഇന്നലെ വന്നവരല്ലന്നതോർക്കണം.*

*കവറുപാലുണ്ടല്ലോ കടയിലേ ഫ്രിഡ്ജിൽ*
*പിന്നെന്തിനാണൊരു പശുവെന്റെ വീട്ടിൽ.*

*നൂറു രൂപായ്ക്കൊരു കിറ്റുണ്ട് കടയിൽ*
*പിന്നെന്തിനാണൊരു മുളകെന്റെ തൊടിയിൽ.*

*തട്ടുകടയിൽ കിട്ടുന്നു മുട്ടൻ പൊറോട്ടാ*
*പിന്നെന്തിനാണുഴുന്നെന്റെ വീട്ടിൽ.*

*ഉണ്ണിക്ക് തിന്നുവാൻ ന്യൂഡിൽസ് മതിയെങ്കിൽ*
*വെറുതേ ഉരുട്ടണോ കൊഴുക്കട്ട വീട്ടിൽ.*

*അഞ്ചു രൂപായ്ക്കിന്ന് ചെറുകടികൾ കിട്ടുമ്പം*
*ചെത്തുന്നതെന്തിനാ കാച്ചിലും ചേനയും.*

*വെട്ടിക്കഴുകിയ കോഴിയേക്കിട്ടുമ്പം*
*മത്തി വാങ്ങിച്ചുഞാൻ വെട്ടുന്നതെന്തിന്.*

*തിളയ്ക്കുമ്പം വേകുന്ന ബാസ്മതിയുള്ളപ്പം*
*തവിടുള്ള കുത്തരി വേണ്ടെന്റെ വീട്ടിൽ.*

*ആപ്പിളും മുന്തിരീം ബേക്കറീക്കിട്ടുമ്പം*
*ചക്കയും മാങ്ങയുമെനിക്കിഷ്ടമല്ല.*

*ആട്ടിയ വെളിച്ചെണ്ണ അങ്ങാടീക്കിട്ടുമ്പം*
*കൊപ്രായുണക്കാനെനിക്കു വയ്യേ.*

*ഒഴിക്കുമ്പം തിളയ്ക്കുന്ന സോഡാ തകർക്കുമ്പം*
*സംഭാരമെന്തിനിനി ദാഹം തടുക്കാൻ.*

*ഐസ്ക്രീമുഭരണികൾ കടയിൽ തിളങ്ങുമ്പം*
*മധുരത്തിനെന്തിനിനി കുത്തരിപ്പായസം.*

*വിസിലുള്ള കുക്കറിൽ കറി തിളച്ചീടുമ്പം*
*കരയുന്നു കറിച്ചട്ടി വാഴച്ചുവട്ടിൽ.*

*വേണ്ടാത്ത ശീലങ്ങളൊന്നുമില്ലെൻ കയ്യിൽ*
*എന്നിട്ടുമിന്നെന്റെ കുടലിലാണർബുദം......*