വർഷവസാനം ലൈസൻസ് പുതുക്കാൻ തദ്ദേശസ്വയം ഭരണ സ്ഥാപനത്തിൽ കയറിയിറങ്ങൽ കച്ചവടക്കാരന് നിര്ബന്ധമാണ്.സർക്കാർ ഈ രംഗത്ത് പുത്തൻ ടെക്നോളജി കൊണ്ട് വന്നെങ്കിലും ഫലപ്രദമായി എവിടെയൊക്കെ നടപ്പിൽ വരുത്തുന്നു എന്നറിയില്ല . ഓൺലൈൻ വഴി ഇത്തരം അപേക്ഷ കൊടുക്കാനും ലൈസൻസ് ലഭിക്കാനും ഏർപ്പാട് ചെയ്തെങ്കിലും എന്തായാലും എനിക്ക് പോവേണ്ട സ്ഥാപനത്തിൽ ഇത് വരെ വന്നില്ല .അത് കൊണ്ട് ഏറ്റവും കുറഞ്ഞത് മൂന്ന് തവണ എങ്കിലും ആ പടികൾ നമുക്ക് കയറാം.
1.സീൽ അടിച്ച അപേക്ഷ ഫോറം വാങ്ങുവാൻ(കൂടെ വെക്കേണ്ട രേഖകളും(കേട്ടിട്ട നികുതി റസീപ്റ്റ്,മുൻ വർഷ പ്രൊഫഷണൽ ടാക്സ് അടച്ച റസീറ്റ് , മുൻ വർഷത്തെ ലൈസൻസ് ) പേനയും കൊണ്ട് വന്നാൽ ഈ നടത്തം ഒഴിവാക്കാം ).
2.അപേക്ഷ പൂരിപ്പിച്ച് മതിയായ രേഖകൾ വച്ച് ഫീസ് അടക്കാൻ (ഇത് ഇപ്പോൾ ഫെബ്രുവരി മാസം നടത്തി വരുന്നു-അതിന് ഒരു പാട് സ്റ്റെപ്പ് ഉണ്ട് ...ആദ്യം നിങ്ങൾ അപേക്ഷ മുൻവശത്തുള്ള കൗണ്ടറിൽ കാണിക്കുന്നു > അത് ഹെൽത്ത് ഇൻസ്പെക്ടറെ കാണിക്കാൻ പറയുന്നു >ഹെൽത്ത് ഇൻസ്പെക്ടർ ഒരു
കുറിപ്പ് എഴുതി പ്രൊഫഷണൽ ടാക്സ് അടച്ചോ എന്ന് പരിശോധിക്കാൻ വിടുന്നു > കെട്ടിടത്തിന്റെ നികുതി അടച്ചോ എന്ന പരിശോധന >വീണ്ടും ഹെൽത്ത് ഇൻസ്പെക്ടറെ കാണിക്കാൻ പറയുന്നു>ലൈസൻസ് ഫീസ് പ്രൊഫഷണൽ ടാക്സ് എന്നിവ അടച്ച് ഫ്രന്റ് ഡെസ്കിൽ കൈ മാറുന്നു.)
3.സ്ഥാപനം നടത്താൻ ലൈസൻസ് സർട്ടിഫിക്കറ്റ് വാങ്ങിക്കാൻ (ഇത് ഏപ്രിൽ ശേഷം ആണ് നൽകി വരുന്നത് )(ഇത് ഒറ്റ അടിക്ക് ഇത് വരെ നടന്നിട്ടില്ല -ആദ്യം നാം പണം അടച്ച റസീറ്റ് കൊണ്ട് കാണിച്ചാൽ ആണ് പ്രസ്തുത ജീവനക്കാരൻ/കാരി അത് അറിയുക,എഴുതി വെക്കാം എന്ന് പറയുന്നു ...പിന്നീട് വീണ്ടും പോവാൻ സാധ്യമായാൽ നിങ്ങൾക്ക് അത് ലഭ്യമാവും...അധിക ആളുകളും ലൈസൻസ് വാങ്ങാൻ മെനക്കെടാറില്ല അവർ ആ റസീറ്റ് മാത്രം കൈയിൽ വെച്ച് തൃപ്തിഅടയുന്നു )...
ഈ തവണ ഇന്നലെയായിരുന്നു ഞാൻ രണ്ടാം സ്റ്റെപ്പ് നിർവ്വഹിച്ചത്.ദിവസത്തിന്റെ പകുതി പോയെങ്കിലും സർക്കാർ ജീവനക്കാരെ നിരീക്ഷിച്ചപ്പോൾ ഉള്ള എൻ്റെ ചില നിഗമനങ്ങൾ ഞാൻ പങ്ക് വെക്കട്ടെ ......നിങ്ങൾ സർക്കാർ ജീവനക്കാരനാവുകയും ഇതിൽ ഏതെങ്കിലും ഒരു സ്വഭാക്കാരനായാലും സഹോദരനോട് പൊറുക്കുമല്ലോ..
...
വരുന്ന ഓരോ പൊതുജനത്തെയും ഉപഭോക്താവായി കണ്ട് കൊണ്ട് തൃപ്തിപ്പെടുത്തുക എന്നതാണ് പുതിയ ഐ എസ്സ് ഒ (ISO-International Organisation for Standardization) നയം പക്ഷെ അതൊക്കെ ഐ എസ്സ് ഒ അങ്ങിനെ പലതും പറയും എന്നതാണ് വലിയ കൂട്ടർ
ഇന്നും മനസ്സിൽ ഉറപ്പിച്ച കാര്യം ....
പഴയ പോലെ ചാടി കടിക്കൽ കുറവ് ഉണ്ടെങ്കിലും എന്നാലും കുഴലിൽ ഇട്ട വാൽ നിവർന്ന് വരുന്നത് പോലെ ഇടക്ക് കുരക്കാൻ മറക്കാത്ത ഒരു കൂട്ടർ.
വരുന്നവനെ ഒരു മൂന്ന് തവണ നടത്തിച്ചാൽ മാത്രമേ ഞാൻ ഈ ഉദ്യോഗത്തിന് പാകമാവുക ഉള്ളൂ എന്ന് ചിന്തിക്കുന്ന ഒരു കൂട്ടം.
ഈ ഓഫീസിന്റെ മുഴുവൻ ജോലിയും ഞാൻ ഒറ്റക്കാണ് ചെയ്യുന്നത് എന്ന് മനസ്സിൽ സ്വയം കരുതുകയും വരുന്നവനോടെ അതിൻ്റെ നീരസം കാണിക്കുകയും ചെയ്യാൻ ഒരു കൂട്ടർ ഉണ്ട്.
മേശപ്പുറത്ത് ഒരു ചായ വെക്കാൻ പോലും സ്ഥലം വെക്കാതെ ഫയൽ നിരത്തി എനിക്ക് ഒരു പാട് പണികൾ ഉണ്ട് ചെയ്ത് തീർക്കാൻ എന്ന് ശാരീരിക ഭാഷയില്ലാതെ പറയാൻ പറ്റുന്ന മറ്റൊരു കൂട്ടർ.
മുന്നിൽ ഒരു കസേര ഉണ്ടെങ്കിലും ഒന്ന് ഇരിക്കാൻ പറഞ്ഞാൽ തൻ്റെ സ്ഥാനം ചെറുതാവുമോ എന്ന് ചിന്തിക്കുന്നവർ ....
ഗൗരവക്കാരൻ അല്ലെങ്കിൽ തൻ്റെടുത്ത് വരുന്നവർ അധിക സ്വാതന്ത്ര൦ എടുക്കുമോ എന്ന് കരുതി പരമാവധി മസ്സിൽ പിടിച്ച് ഇരിക്കുന്നവർ...
വീട്ടിൽ കഥ പറയാൻ സമയം കിട്ടാത്തതിനാൽ എല്ലാ കഥകളും ജോലി സമയം സഹപ്രവർത്തകരോട് പറഞ്ഞു തീർക്കേണ്ട തിരക്കുള്ളവർ ...
തൻ്റെ കംപ്യൂട്ടർ പരിജ്ഞാന കുറവ് പരിഹരിക്കാതെ സർവ്വറിന് കുറ്റങ്ങൾ ചാർത്താൻ വെമ്പുന്നവർ...
കീ ബോർഡിലെ അക്ഷരങ്ങൾ പലതും അറിയാതെ തപ്പി തപ്പി ക്ലെച്ചും ബ്രേക്കും ആക്സിലേറ്ററും ഞാൻ ഒറ്റക്ക് തന്നെ ഒരേ സമയം എങ്ങിനെ കൈ കാര്യം ചെയ്യും എന്ന പോലെ Ctrl ,Shift ഒക്കെ ഒരേ സമയം അക്ഷരങ്ങളോടപ്പം ഉപയോഗിക്കാൻ പാട് പെടുന്നവർ ....
എന്തെങ്കിലും ചോദിച്ചാൽ അത് ഫയലിൽ അല്ലെങ്കിൽ രജിസ്റ്ററിൽ ആണ് എന്ന് വാദിക്കുന്നവർ ....ഫയൽ രജിസ്റ്റർ പരിശോധിച്ച് കൂടെ എന്ന് ചോദിക്കുമ്പോൾ കണ്ണുരുട്ടി നീ ആരാണ് എന്നെ ചോദ്യം ചെയ്യാൻ എന്ന തരത്തിൽ ഒരു നോട്ടവും അത് പരതാൻ ഇപ്പോൾ സമയം ഇല്ല എന്ന ഒരു ഉത്തരവും...
ഒന്നും ഞാൻ നോക്കിയാൽ കാണുകയില്ല കണ്ട് പിടിക്കുകയും ഇല്ല എന്ന വാശിയുള്ള കുറെ പേർ.ഓഫീസിലെ എല്ലാം കണ്ടത്തൽ പ്യൂൺ എന്ന സെർച്ച് എൻജിന് കൈ മാറുന്നവർ .
ഞാൻ മേൽ ഉദ്യോഗസ്ഥൻ ആണ് എന്നും ഇവരെല്ലാം എൻ്റെ കീഴാളന്മാർ ആണ് എന്നും വിശ്വസിക്കുന്നവർ.....ആജ്ഞാപിക്കുന്നു അനുസരിക്കുക എന്ന സൈദ്ധാന്തികർ....
ഒന്നും എൻ്റെ ചുമതല അല്ല എല്ലാം മേൽ ഉദ്യോഗസ്ഥൻറെ ചുമതല മാത്രമാണ് എന്ന് തിരിച്ചും ചിന്തിക്കുന്ന കാലാൾ സേന ....
ജോലി ചെയ്യാൻ ഒരു മടിയും ഇല്ലാത്തവന്റെ മുതുകിലേക്ക് തൻ്റെ ജോലികൾ കൂടി തട്ടി കൊടുത്ത് എങ്ങിനെ പരമാനന്ദം നേടാൻ പറ്റും എന്ന് തിരക്കി നടക്കുന്നവർ ....
ശമ്പളം കൂടാതെ കിമ്പളം വാങ്ങിയാലേ പണി നീങ്ങൂ എന്ന് പറയാതെ പറയുന്നവർ ....അത് കയ്യിൽ എത്തിയാൽ പിന്നെ നിങ്ങൾക്ക് വേണ്ടിയാണ് ഈ സ്ഥാപനം നിലകൊള്ളുന്നത് എന്ന തരത്തിൽ ജോലി തീർപ്പാക്കാൻ ഓടി നടക്കുന്നവർ ...
മുകളിലെ ഏമാന്മാരെ സുഖിപ്പിച്ചാൽ മാത്രമേ തൻ്റെ നില നിൽപ്പും പ്രൊമോഷനും സ്ഥല മാറ്റങ്ങളും എളുപ്പത്തിൽ ആവുകയുള്ളൂ എന്നത് കൊണ്ട് സാർ എന്ന് നീട്ടി വിളിക്കുന്നവർ ...
ഞാൻ തിരക്കിൽ ആണ് നിങ്ങൾ ഇപ്പോൾ പോയി പിന്നെ വരണം എന്നാവശ്യപ്പെടാൻ തിരക്ക് അഭിനയിക്കുന്നവർ .....
ഇല്ല ഇനി ഞാൻ പറയുന്നില്ല .....പക്ഷെ കാര്യം കൂടി എഴുതി ഞാൻ നിർത്താം ...
ഇതിനിടയിലും ഈ ഓഫീസുകൾ ഭംഗിയായി നടക്കുന്നു എന്ന് ചോദിക്കുമ്പോൾ വലിയ ഭംഗിയിൽ അല്ലെങ്കിലും ഈ ജോലിക്ക് എനിക്ക് ശമ്പളം കിട്ടുന്നു...ജനങ്ങൾ നൽകുന്ന നികുതി പണം വാങ്ങുന്ന ഞാൻ ജോലി ചെയ്യാൻ ബാധ്യസ്ഥൻ ആണ് എന്നത് തിരിച്ചറിയുന്ന ഒരു പറ്റം ആളുകൾ ഈ കൂട്ടത്തിൽ ഉണ്ട് ....പിന്നെ കൂട്ടത്തിൽ രണ്ടിന്റെയും ഇടയിൽ കിടന്ന് ഒഴുകുന്നവരും ...അവരിൽ ചിലർ നിങ്ങളോട് ചിലപ്പോൾ ചിരിക്കും , ചിലപ്പോൾ ഇരിക്കാൻ പറയും , ചിലപ്പോൾ രേഖകളുമായി നിങ്ങളുടെ അരികിൽ നടന്നു വരും ....അത് കണ്ടിട്ട് നിങ്ങൾക്ക് തെറ്റിധാരണ വേണ്ട നിങ്ങൾ മറ്റേതെങ്കിലും രാജ്യത്ത് എത്തിയതാണ് എന്ന്
...."നിങ്ങൾ ഇന്നും നിൽക്കുന്നത് ദൈവത്തിന്റെ സ്വന്തം നാട്ടിൽ തന്നെയാണ്"....
ഇവിടെ ഇപ്പോഴും ഐ എസ്സ് ഒ രേഖകളിൽ നിലനിൽക്കുന്നു ......
ഓൺലൈൻ വഴി മാത്രം കാര്യങ്ങൾ നടന്നാൽ ഈ കുതിര കയറ്റം വെറും അക്ഷയക്കാരൻറെ അവകാശം മാത്രം ഒതുങ്ങിപോയാലോ.......
0 comments:
Post a Comment